提起拿破崙呢個歷史人物，相信唔少史友都會諗起佢果頂標誌性嘅帽，但到底呢頂帽嘅實物喺邊度？多年嚟都有唔少人嘗試去搵，而近日呢頂帽真正嘅實物就出現咗喺一場拍賣會上！

近日就有拍賣行拍賣拿破崙嘅雙角帽，其實呢頂帽嘅擁有者原本就係德國戲劇服裝師Leopold Verch，佢將呢頂帽作為舞台道具設計樣本，帽身上題有「Original Napoleon I」（原屬拿破崙一世）字樣，歷年來都有人視佢為拿破崙曾經戴過嘅帽，只係一直都證實唔到。

早喺1799年前後，拿破崙為咗令士兵可以識別到佢自己，所以喺戰場之上就已經戴雙角帽作戰，喺唔少名畫當中都可以識別到呢點，甚至仲有一幅《拿破崙翻越阿爾卑斯山》被不斷研究。而經過巴黎軍事博物館證實，呢次拍賣嘅帽尺寸同年代都同拿破崙其他帽相約，再加上分子遺傳學家Gerard Lucotte教授以光譜學技術測試，證實帽身上有拿破崙DNA標識，就係咁樣成功證實呢頂帽嘅主人喇！

原圖嚟自網絡