城市論壇討論+嗌交？

由港台製作咗四十年嘅節目《城市論壇》，傳出9月中唔再復播，相信史友們都唔會再响星期日中午聽到一班人响論壇上高談闊論喇！

城市論壇係响1980年開始啟播，以直播方式响戶外進行一場辯論，據知呢個係參考倫敦海德公園「演說者之角」嘅理念，聲言要等社會各階層唔同嘅可以就住一啲社會議題進行理性討論。多年嚟唔少社會「知名人士」都上咗城市論壇同唔同立場嘅人討論，不過成批人往往响台上講得好激烈甚至可以話係嗌交，而响台下一班觀眾亦非常投入咁睇呢啲「火花」。

講到城市論壇，自然唔少得維園阿伯，因為呢個節目長期係响維多利亞公園進行，所以就吸引咗一班退休阿伯响論壇做捧場客，有時佢哋激動起上嚟仲要係咁鬧人，成為呢個節目一度風景。