日本中學生以北歐古文字交功課

用英文、文言文做功課係學生時代必經嘅事，但唔知史友們又有冇諗過，用一啲罕有嘅文字交功課可以難到自己嘅老師？近排網絡上就重新流傳一輯相片，相片入面就係一堆大家都睇唔明嘅文字！

事源就係日本有位中學生喺交作文功課嘅時侯，但突然發現到原來可以用日文之外嘅語言去交功課，我國以往就有唔少學生用過甲骨文交功課，而呢位日本學生竟然就諗到用「盧恩字母」。「盧恩字母」又被稱為如尼字母，係中世紀歐洲，特別係斯堪嘅納維亞半島同埋不列顛群島用來書寫某些北歐日耳曼語族嘅語言，如果要追溯仲可以聯繫到日耳曼神話眾神之父奧丁相關傳說。

面對住呢種古文字，正常一個老師就當然唔會識，但呢位日本老師就足足用咗3.5小時去進行批改，結果就覺得呢位學生寫得唔錯，仲特別提醒返呢位學生下次要用一般文字作文。