早幾日阿史就同史友們講到持續咗接近二十年嘅阿富汗戰爭,其實凡係陷入戰亂當中,唔單止一個國家嘅人民會受害,就連文物古蹟亦都好難避免受到破壞。阿富汗作為世界嘅「十字路口」,自然就有唔少包含希臘文明、波斯文明、埃及文明、印度文明嘅形貴嘅文物古蹟保存到落嚟,咁喺過去二十幾年,當地嘅文物局、博物館又做過啲咩去保護國家嘅文物呢?答案就係將呢啲文物送到海外嘅博物館喇!唔講唔知,其實中國有好多間博物館喺過去嘅日子都有份接力保護阿富汗國寶!

為咗避免文物受到戰火波及,阿富汗國家博物館就喺2006年開始將大批珍貴文物藏匿、转移,並且喺世界展開巡展,呢批文物就先後去過法国、意大利、荷兰、加拿大等20幾個國家巡展。去到2017年6月,呢批文物就喺故宫博物院展览,本應佢哋係應該送到美國繼續展出,以巡展嘅方式進行保護。之不過,當時美國就忽然取消呢場展覽,假如文物搵唔到下一個地方繼續巡展,咁就好大機會會返到受到戰火波及嘅阿富汗。

喺呢個咁關鍵嘅時候,中國選擇繼續伸出援手,由原本嘅國際接力變做中國國內接力,喺文物局、文物交流中心幫助下,呢批文物就先後由國內多家文博機構接力保護,同時亦都令中國人民可以見證到呢份人類共同嘅文明記憶。中國嘅呢個舉動,當時就被譽為係兩個文明古國嘅惺惺相惜。

原圖嚟自網絡