「大智若愚」係形容邊一個？

喺形容一個人表面好似好愚蠢，但實際先係真正有才智嘅時候，通常大家都會用到一個詞，就係「大智若愚」。咁到底呢個詞係點樣嚟？又係邊個人物畀人咁樣形容呢？

「大智若愚」原本應該叫做「大智如愚」，呢個詞就見於宋．蘇軾《賀歐陽少師致仕啟》。呢度所講嘅歐陽少師，實際上就係時任太子老師嘅歐陽修，咁點解蘇軾要咁樣稱讚佢呢？

歐陽修係唐宋八大家之一，佢既係宋代著名文學家，亦都係著名嘅史學家，雖然蘇軾同樣都係唐宋八大家之一，但佢其實係歐陽修後輩，早年入京時亦都受過歐陽修照顧，所以一直對佢都相當尊敬。而當歐陽修辭官獲准後，蘇軾就寫咗《賀歐陽少師致仕啟》，當中就用咗「大勇若怯，大智如愚」嚟稱讚歐陽修勇氣與智慧。呢句句式亦後世就認為係參照咗《老子》「大巧若拙」呢個詞，所以就引伸出真正有勇氣嘅人，唔會去彰顯他嘅勇敢；真正有智慧嘅人，亦都唔會去賣弄他嘅聰明，真係相當有道理。