張帥奪美網女雙冠軍 為中國四大滿貫填上最後拼圖?

早兩日我國嘅網球女運動員張帥就同佢嘅拍檔斯托瑟喺2021美網女雙決賽入面，以盤數2：1力克本土組合高芙同埋麥克納莉，成功奪得大滿貫冠軍。咁有史友可能會問，點解呢個獎項會咁備受關注？其實答案唔係在於呢個獎項咁簡單！

繼2019年澳網之後，張帥就再次斬獲大滿貫冠軍，同時亦都係佢生涯大滿貫女雙嘅第2冠。隨住張帥喺美網呢次冠軍，亦都為中國網球史寫下新一章。事關呢個獎項正正就係補上最後一塊拼圖，令到四大滿貫都有「中國金花」捧盃。

同史友們簡單回顧一下，最初中國球員拎到四大滿貫第一個冠軍其實就係喺2006年澳網由女雙鄭潔/晏紫獲得冠軍，而其後仲有混雙孫甜甜/齊莫尼奇、女單李娜、女雙張帥/斯托瑟都喺澳網拎過冠軍；至於法網就係去到2011年由李娜拎到女單冠軍，彭帥/謝淑薇亦都喺2014年拎到女雙；至於溫網就有鄭潔/晏紫喺2006年拎過女雙冠軍、彭帥/謝淑薇就喺2013年同樣拎到女雙冠軍。