如果講到一般發現文物嘅方式，都不外乎係通過考古發掘、買賣舊物，但史友們又有冇諗過狩獵都有可能誤打誤撞搵到一啲珍貴文物？近排喺美國就有一位男子同一條巨鱷上演咗一個離奇嘅故事。

喺美國密西西比州就有一個名為漢密爾頓（John Hamilton）嘅男子捕獲一條4米長、重達340公斤嘅巨鱷。喺捕獲呢條鱷魚之後，佢諗都冇諗就將佢帶到加工廠解剖，但點知喺過程中佢就喺鱷魚腹部搵到史前美洲原住民用到嘅石製箭頭，估計距今有成8,000年歷史。唔單止咁，喺鱷魚腹部仲有另一個有返咁上下歷史嘅鉛錘，估計係西元前1700年嘅產物。

箭頭原本位於何處、鉛錘本來又有咩作用，呢啲問題考古學者暫時都未解答到，但佢哋就推斷喺密西西比三角洲有唔少史前遺跡，內部有唔少呢類史前文物，鱷魚好大機會就將呢啲文物當成係石頭咁進食。只能說，呢條巨鱷認真識食！

原圖嚟自網絡