朱建華1983年上海全運會 成功躍過2.38米橫竿？

第十四屆全國運動會日前就正式開幕，相信唔少史友們都會留意到，參加呢次全運會嘅選手唔少都喺奧運項目當中拎到獎牌，甚至仲有媒體形容全運會嘅選手水平拍得住奧運，成個情況就好似係「神仙打架」。今屆全運會精彩嘅賽事當然仲需要大家耐心留意，但阿史就想同史友們回顧一下以往全運會嘅精彩瞬間！

如果要介紹全運會嘅精彩瞬間，阿史就覺得「精彩」唔單單局限喺拎幾多塊金牌，而係在於到底果位運動員嘅成績能否打破自身、甚至係成個民族嘅紀錄，咁先至稱得上精彩！而呢個瞬間就喺1983年上海舉行嘅第屆全國運動會出現過！當年作為上海選手嘅跳高新秀朱建華喺幾萬名觀眾同埋上海鄉親嘅見證下，以22歲之齡成功躍過2.38米橫竿，繼全運會嘅預賽之後佢又再一次打破男子跳高世界紀錄。

朱建華呢個壯舉將第五屆全國運動會嘅氣氛推到最高，而佢2.38米橫竿嘅跳高成績至今都仍然係全運會嘅紀錄。