九一八事變

今日係9月18日，亦係九一八事變90周年嘅日子。

1931年9月18日夜晚，日本關東軍以中國軍隊炸毀日本修築嘅南滿鐵路，並誣稱鐵路被中國軍隊破壞，於是向中國東北軍駐守地瀋陽北大營以及瀋陽城發動進攻，响第二日朝早佔領咗瀋陽。

由於當時中國守軍奉命採取「不抵抗政策」，令東北軍無辦法阻止日軍入侵，結果唔單止搞到瀋陽淪陷，日本仲响三個月佔據東北三省。「九一八事變」後，日軍就加緊對華嘅侵略，包括日本無幾耐就策劃响東北三省建立傀儡政權，偽滿州國就响1932年3月成立，隨後响1933年入侵熱河，到咗1937年更全面侵華。