尋日阿史就為史友們介紹咗一位喺第五届上海全運會當中跳出2.38米世界紀錄嘅男子跳高運動員朱建華,但喺全運會發光發亮、振奮民族精神嘅又點止佢一位,近年就有「超級丹」林丹。

提起林丹呢個名相信都冇乜史友會唔識,佢以往嘅威水史亦都同大家介紹唔少,但喺全運會當中嘅故事可能史友們就比較少聽!林丹係近年國際羽壇成就最高嘅運動員之一,喺好年輕嘅時候佢就已經有超強嘅實力。喺2001年第九届其實佢仍然都係初出茅廬,但佢就喺闖入男單決賽場後不敵當時國家隊名將羅毅剛,只係飲恨得到一面銀牌。

但經過四年時間磨練之後,去到十運會嘅時候林丹已經成為國家羽球隊公認嘅男一號,喺呢届全運會佢就以2:0打擊鮑春來,拎到佢第一面全運會男單金牌。而喺之後三届全運會入面,佢喺男子單打比賽當中都無一例外拎到冠軍,實現四連冠偉業,真係勁到不得了!

原圖嚟自網絡