【講開有段故】「航天員」呢個詞 係由錢學森提出?


呢兩日神舟十二號以及下月展開任務嘅神舟十三號成為唔少中外媒體嘅熱話,咁阿史都留意到有史友爭論到底負責責任飛行任務嘅人應該叫做「太空人」定係「航天員」。提起「航天員」呢個詞,阿史就真係有段故可以同史友們講一講!


「航天員」呢個詞實際上係由「中國航天之父」錢學森首創,就咁聽呢個詞,心水清嘅史友可能都可以推論出係由航海、航空演變而嚟,亦都顧名思義係喺宇宙之間航行嘅概念。咁呢度就有一個問題出現,就係點解明明有「天」同埋「宇宙」兩個詞可以選,錢學森就偏偏要揀「天」呢?原來錢學森認為其實過往好長時間人類嘅「宇宙航行」只係局限喺太陽系內,而宇宙實際包括嘅範圍係好大,所以就咁話「宇宙航行」其實係有誇大嘅成份。與此同時,佢亦都受到毛澤東詩句「巡天遙看一千河」啟發,所以就將人類呢個行為稱為「航天」。


咁如果有朝一日人類去到太陽系外進行研究,咁到時又點樣形容呢?其實好簡單,喺大氣層之內就叫做航空,如果出到去太陽系外,就當然叫做「宇航」啦!


原圖嚟自網絡