秦始皇開渠平百越？

最近阿史受友人所託，搵下古代中國歷史一定同課程有啲關係唔會响教科書出現嘅歷史故仔，阿史就會不定期同史友分享一下。今次先講講秦平百越嘅一件事。

話說秦滅六國後，就分別派出大軍北伐匈奴同南下平定百越。不過，南越响當時絕對係一個山旮旯地方，山路崎嶇，要點樣加快運兵運糧真係考起。咁有乜計呢？就係開鑿河渠。响公元前218年，秦始皇下令史祿開鑿河渠，以灌通湘、灕二水溝通，到咗公元前214年，呢條名為秦鑿渠嘅運河年完成工程，接通咗長江水系嘅湘江及珠江水系嘅灕江，後嚟秦軍平定百越，設立桂林、象郡、南海三郡，擴大咗秦朝嘅版圖喇！

呢條秦鑿渠，另一個名叫靈渠，依家係廣西桂林市一個著名景點。