呢排阿史都同史友們介紹唔少中國航天業嘅歷史同埋故事,錢學森對中國航天發展嘅貢獻相信唔少史友都好清楚,但唔知大家又知唔知其實航天員如果完成任務歸來,其實都流傳住一條不成文規矩,呢條規矩仲係同錢學森有關架!

提到中國載人航天事業,大家都知道錢學森就係被稱為「中國航天之父」嘅傳奇人物,而喺神舟系列飛船發射升空之後,中國航天界就開始有一條不成文「規矩」。呢條「規矩」就係航天員喺完成升空任務之後就可以去探望呢位航天界嘅元老,而呢個舉動甚至仲成為一種慣例。據錢學森長子錢永剛憶述,唔單止楊利偉,聶海勝同埋費俊龍都喺完成任務之後登門拜訪錢學森,錢學森仲對佢哋相當熱情。

咁史友們可能會問,點解冇啦啦會有呢種「規矩」出現?除咗係因為錢學森對中國航天發展有巨大嘅貢獻,仲係因為近代嘅航天員訓練、飛船、火箭、航天服都受過錢學森直接嘅指導同埋改良,所以近代航天員嘅成功都同佢息息相關!

原圖嚟自網絡