中秋節係傳統華人嘅一個重要日子,喺呢一日大家都知道係一個一家人團圓、食月餅、祭祖嘅日子。咁既然係要過節,當然係要知道個日子係點樣嚟啦!
關於中秋節嘅起源,一直以嚟都有比較多嘅講法,其中一個比較主流嘅講法就係同祭月有關!「中秋」一詞最早見於《周禮》,喺《禮記·月令》就有提過「仲秋之月養衰老,行糜粥飲食」;而「天子春朝日,秋夕月」當中就指出早喺春秋時期帝王就已經開始祭月、拜月。而呢個行為後來就被貴族同埋文人學士相繼仿效,慢慢仲傳到去民間。
而關於呢個節日起源,其實仲有另一個講法,就係同農業有關。秋天其實係唔少農作物收成嘅季節,農民喺呢個時期就會慶祝收成,所以呢個喺秋天中段嘅時期,就慢慢成為「中秋」呢個傳統習俗喇!
原圖嚟自網絡