「新界王」張人龍逝世

曾有「新界王」之稱的新界鄉議局前主席張人龍，日前與世長辭，享年103歲。

講到新界鄉議局前主席，唔少人可能都會諗起劉皇發，但其實以往彭富華、陳日新、張人龍等响新界都相當有名氣。張人龍曾於1964年至1966年擔任新界鄉議局第16屆主席，之後响七十年代就當選為新界鄉議局副主席，仲係區議員。回歸前佢曾任立法局議員同區域市政局主席，係新界鄉紳當中少數做過晒三級議會嘅「三料議員」，到咗九十年代佢就淡出政壇。

特別嘅係，張人龍並非新界原居民，但佢為建設新界貢獻良多，所以响新界鄉事中有好大影響力。而已故著名影星傅聲，就係佢個仔。