八國聯軍侵華嘅歷史就同史友們介紹過唔少，而呢幅八國聯軍嘅合照相信唔少史友都曾經過睇過。咁唔知史友們喺睇嘅時候心中又會唔會有一個疑問，就係明明係八國聯軍，點解又會有九個人一齊合照呢？今次阿史就同大家講一講啦！
大家熟悉嘅八國聯軍即係「英美法德日俄意奧」，但其實早喺列強進行海外擴張嘅時候，印度就已經被英國佔領統治成為英屬印度，當時嘅印度跟隨住英軍到海外進行戰爭，基本上都係戰無不勝。而無論係喺1840年至1842年第一次鴉片戰爭、1856年至1860年英法聯軍之役其實都有英屬印度陸軍參戰。
講到呢度，聰明嘅史友應該都會估到，呢幅八國聯軍將領喺北京嘅合影，實際上係有印度將領一齊合影。但大家有一點都未必估到，就係照片中並冇俄國將領一齊合影，反而係有澳洲，如果順序由左至右咁睇，呢批將領分別就係英國、美國、澳洲、英屬印度、德國、法國、奧匈帝國、意大利、日本。
原圖嚟自網絡