秦始皇統一天下，咸陽就成為秦國首都，天下中心。而响秦始皇滅六國過程中，相傳佢有一個習慣，就係會每滅掉一個國家，就會仿建一座被滅國家嘅宮殿。

據《史記‧秦始皇本紀》所載：「秦每破諸侯，寫放其宮室，作之咸陽北阪上，南臨渭，自雍門以東至涇、渭，殿屋複道周閣相屬。」意思即係秦始皇統一天下過程中，每滅掉一國後都會响咸陽渭水北岸個度仿建嗰個諸侯國嘅宮殿。而據後嚟考古人員勘察，就發現秦首都城北階地上宮殿群遺址就出土過六國建築風格嘅建材，包括楚國、燕國形制瓦當，所以歷史學家從考古發現當中相信《史記》對呢個「六國宮殿」記載係可信嘅。

至於秦始皇點解要咁做呢？就無人解答到喇！可能係佢想耀武揚威下卦....

原圖：CCTV