為咗維護正義同公義,面對犯罪嘅親屬都唔因為親情而徇私,呢個舉動就被稱為「大義滅親」,之不過到底係邊個歷史人物第一個做呢件事呢?阿史今次就同大家介紹下啦!
要介紹呢個故事,就要由春秋戰國開始講起!春秋戰國時期嘅衛國有位君主名為衛莊公,佢同佢嘅寵妾生咗個仔叫做州吁,當時衛莊公非常溺愛佢,就算佢嘅大臣石碏規諫莊公,莊公都仍然唔聽勸告,慢慢州吁個性就變得傲慢奢侈。
呢位衛國大臣有個仔叫做石厚,就算喺石碏阻止之下,石厚都仍然同州吁交往。冇幾耐莊公去世並且由衛桓公繼位,但心中不服嘅州吁就殺咗衛桓公自立為王,結果引發民眾不滿。為咗穩定民心,州吁就請石厚向石碏請教,但當時石碏就暗中設下計謀並回應諸侯登位應得到周王的許可,所以去朝見周天子,王位就能安定了。
唔知道真相嘅石厚就繼續追問,結果喺石碏引導之下,州吁同石厚就一同去到陳國搵陳桓公,但當時陳桓公就已經受石碏所托將兩人扣留。冇幾耐,衛國就派人處決咗州吁,石碏亦都派人處決石厚,民眾紛紛大讚石碏嘅舉動,後來亦都稱之為「大義滅親」。
原圖嚟自網絡