梅艷芳紀念展覽10月1日舉辦 呢三套電影戲服將會展出？

近排電影《梅艷芳》（ANITA）即將會上映，到底呢部電影會點樣塑造呢位傳奇人物一直都係城中熱話，而喺電影未上映之前，就有個關於百變天后梅艷芳嘅紀念展覽舉行。

要知道要拍攝一部還原度高嘅電影一啲都唔容易，而《梅艷芳》當中就需要還要唔少梅姐經典嘅造型，所以戲服就係相當重要嘅元素。喺呢次展覽當中，就展出咗三套代表住梅姐演藝事業上三個重要時期嘅戲服，就咁睇圖唔知史友們又認唔認得呢？

其實呢三個時期大家都應該歷歷在目，第一個最重要嘅時刻就係梅姐參加1982年《第一屆新秀歌唱比賽》，演繹徐小鳳名曲《風的季節》時所穿著嘅「黄金戰衣」；而第二個件戲服就係《胭脂扣》入面所穿著嘅旗袍、演活如花一角得到三料影后嘅時期；至於最後一個時期正正就係佢喺最後一個演唱會上唱出最後一首歌曲而穿著嘅婚紗，依家講起真係每一幕都浮現喺眼前。