相信唔少有睇開電視劇嘅史友，應該都不時聽到電視劇入面嘅古代春秋戰國國君、王侯公卿都經常自稱自己係「寡人」，但其實大家都知道佢哋一啲都唔孤獨，甚至仲係妻妾兒孫滿堂，到底「寡人」呢個詞喺古代有咩特別意思呢？阿史今次就同大家介紹下啦！
喺實際意思上嚟講，其實「寡人」同我哋今日形容嘅「孤寡老人」並冇太大分別，之不過喺古代嚟講喺講到自己嘅時候，就有各式各樣嘅謙詞，就好似「鄙人」、「敝人」、「孤家」等等，而「寡人」亦都係其中一種，實際上就係謙遜嘅表現。
可能史友們睇到呢度都有啲唔明，點解古代嘅國君王侯都要用「孤寡」嚟形容自己？「寡人」呢個自稱其實喺春秋戰國時期最為流行，事關當時國與國之間都發生唔少戰爭，人口多亦都係代表住國家嘅強大、民心嘅所向，所以如果一個國家嘅君主以「寡人」自稱，其實就係一種謙虛嘅表現。亦都係因為春秋戰國呢個時期，令到後來漢代都將「寡人」呢個詞變成皇帝專用詞。
原圖嚟自網絡