紅色中國的第一罐可樂

最近搵一啲改革開放嘅資料，之後睇到呢張相覺得好得意，所以想同史友們分享下。

呢張相係一位法國攝影記者James Andanson响1979年北京八達嶺長城影嘅。當時呢位占士哥拎到去中國嘅簽證後就去咗北京旅遊，去到八達嶺個陣周圍影風景相，後嚟仲搵咗個細路做佢模特兒，個細路拎住同飲住罐可樂影咗呢張相。據講呢罐可樂係占士哥從境外帶入去中國，响當時中國境內出現可樂都算係一件新奇事。後嚟呢張咁特別嘅相刊登响《國家地理雜誌》上，並命名為「紅色中國的第一罐可樂」，成為咗攝影界一大經典。

四十幾年過去，呢位細路已經成為一位商界成功人士，不過佢就話都唔記得有件咁嘅事。