聽日就係十月一日，係紀念中華人民共和國成立而設立嘅節日，喺呢段期間全國各地都會有各種紀念活動舉行，例如國家領導人就會向天安門廣場嘅人民英雄紀念碑敬獻花籃、與此同時又會有各類嘅慶典、巡遊或升旗儀式舉行，總之就係我國嘅一個大日子。
相信史友們都知道，中華人民共和國嘅開國大典係喺1949年10月1日舉行，呢一日係標誌住新中國嘅成立，自然係國慶嘅日子。不過原來定十月一日為國慶日，原來係有段故。响1949年開國大典過後，當時教育部部長、中國民主促進會中央主席馬敘倫就認為中華人民共和國嘅國慶日理係十月一日，因此起草一份《建議十月一日為國慶日》建議案。本身馬敘倫打算將呢份建議案喺中國人民政治協商會議第一屆全國委員會第一次會議提出，但佢就因為身體抱恙，最後由許廣平轉達建議案。議案提出之後，當時會議一致通過建議案。就係咁樣，《關於中華人民共和國國慶日的決議》正式通過：「自1950年起，即以每年的十月一日，即中華人民共和國宣告成立的偉大日子，為中華人民共和國的國慶日。」
原圖嚟自網絡