早幾日因電影《長津湖》而介紹咗「鋼鐵七連」,今次阿史就要介紹下長津湖之戰呢場經典戰役。長津湖之戰係中國人民志願軍响抗美援朝戰爭一場重要戰役,因為志願軍面對住著當時世界上最現代化嘅美國軍隊,最終亦成功擊敗美軍。
長津湖位於朝鮮北部,係朝鮮北部最大湖泊。當時美軍第8集團第10軍負責進攻長津湖地區,目的係切斷志願軍後方交通線,以及達成朝鮮戰場東西線美軍會師。志願軍總部決定派出第20軍、26軍、27軍組成第9兵團,消滅集結响長津湖地區嘅美軍。當時美軍第10軍中嘅美陸戰一師更係美軍精銳王牌部隊,部隊高度機械化,裝備亦非常精良。
擁有15萬兵力志願軍第9兵團,除咗面對美軍陸空攻擊,仲有平均零下20度以下嘅嚴寒天氣。面對惡劣至極嘅環境,志願軍翻山越嶺,晝伏夜行,艱苦咁完成咗包圍圈。美軍响嚴寒天氣以及被志願軍包圍之下,雖然最終美軍突破包圍成功撤退,但就受到重創,志願軍亦成功粉碎咗朝鮮戰場東西線美軍會師嘅計劃。
原圖嚟自網絡