尋日阿史就同史友們介紹咗抗美援朝期間我國到底有幾多烈士為保家園而犧牲，而提起呢啲咁沉重傷痛嘅歷史，相信唔少史友都會諗起日本侵華嘅十四年。日軍造成嘅人命傷亡就同大家介紹過唔少，咁到底呢十四年間日本喺中國掠奪咗幾多財富呢？今次阿史就同大家講一講啦！
由1931年9月18日起至1945年8月15日，持續十四年幾嘅抗日戰爭，雖然中國人民受到無數嘅苦難，但仍然能夠展示無比嘅堅持同勇氣。日軍喺我國嘅領土當然係犯下各式各樣嘅滔天大罪，唔單止掠奪咗中國人民嘅財富，仲有好多珍貴嘅歷史文物，今次阿史就同大家數一數！
其實日軍掠奪中嘅財富最主要係分成四種，第一種就係礦產資源。當時日軍為咗可以好方便咁奪取礦產，就喺中國設立好多公司實行呢件事，其中一間就係「南鐵公司」，既經營鐵路，亦都開採礦山同埋進行情報工作，單單係滿鐵公司就已經從撫順煤礦掠奪將近兩億噸煤炭資源，所獲取總利潤高達 2 億 6 千多萬日元。唔單止咁，日軍仲從中國掠奪好多有色金屬礦產同埋黃金，單單係金銀等貴金屬就已經超過20000噸。14年抗日戰爭期間，累計就搶咗煤炭約10億噸、鐵礦約1.8億噸、銅礦約150萬噸、鋁約10萬噸、鎂約5萬噸，認真誇張！
而第二種得益就係「軍票」。日軍通過攪亂中國隊經濟秩序，從中牟利，以發放「軍票」方式破壞法幣制度，仲用埋偽鈔直接購買中國物資，直到日本投降前日軍總共印製40億偽鈔。除此之外，仲有接近四萬中國勞工被強擄至日本作為勞動力，當中到底有幾大得益真係難以估量。
而最重要一樣，就係日軍掠奪咗海量中國嘅珍貴文物，單係故宮內珍藏古籍11022冊、良渚文化玉器、唐宋元瓷器、清代瓷器字畫等等都不計其數，就算嚟到今日呢啲文物仍然流落喺他鄉。
據統計，日本侵華十四年間對中國造成損失高達五千億美元，之不過原來日本當時年收入只係得7.7億美元。
原圖嚟自網絡