繼同史友們介紹咗抗美援朝當中嘅經典戰役之後，就當然要同大家講一講呢場戰爭當中嘅傳奇人物啦！今次阿史就想同大家介紹一下呢位有「上甘嶺狙神」之稱，被稱為史上最致命狙擊手嘅張桃芳。

提起張桃芳呢個名，可能唔少史友都曾經聽過，事關呢個名多次都出現喺外國媒體同埋論壇當中，唔少有狙擊手排名嘅評選入面，張桃芳呢個名都係位列前茅，咁到底張桃芳戰時嘅表現係點樣，會得到外國媒體咁樣認同呢？

張桃芳喺1951年3月就加入志願軍，並且喺1953年隨同214團到達上甘嶺，當時張桃芳就係負責接替防守上甘嶺一線，而佢嘅對手就係精備精良嘅美軍第3步兵師。當時第15軍於駐守時，佢哋嘅軍長就發起「冷槍冷炮運動」，所以上甘嶺地區又被稱為「狙擊兵嶺」（sniper ridge）。

呢項指令為張桃芳嘅表現帶嚟決定性嘅改變，張桃芳從1953年1月29日開始做狙擊手到5月25日為止，持續三個月二十六日嘅時間入面，耗彈442發，斃敵214名，而且更加重要係，佢當時嘅武器係唔帶有任何光學錨具嘅莫辛納甘步槍，真係犀利到難以想像。

原圖嚟自網絡