相信就算唔使阿史講,史友們都會知道近排就係被視為係科學界最高榮譽嘅諾貝爾獎公布嘅日子。呢個獎項係依據瑞典化學家諾貝爾嘅遺願而設立,凡係得獎者都可以分得一筆1000萬瑞典克朗嘅獎金,真係相當可觀。之不過,關於呢筆獎金歷史嚟都有唔少問題,就係點解派足百幾年都仲未得完?同埋呢個基金原來曾經面臨過破產問題?阿史今次就同大家介紹下啦!
諾貝爾其實係一個發明炸藥嘅化學家,佢成功發明過硝化廿油炸藥並且仲得到專利,通過售賣炸藥佢得到大量財富,後來佢就將呢筆資金投入到石油同埋重工業發展,同樣都係得到大筆財富。由於諾貝爾一生未婚亦都無兒女,所以佢最終就決定成立一個獎項,將自己嘅遺產作為獎金來源,獎賞畀喺科學領域有重大貢獻嘅科學家。要知道諾貝爾辭世果陣就只有920萬美金遺產,但如果要派發其實冇可能派到百幾年,所以呢個基金會係通過買入國債同埋其他投資得來嘅收益作為獎金派發。
之不過,通過呢種方式得來嘅利息實在太少,諾貝爾基金一度面臨破產嘅地步,但去到1953年瑞典國家銀行向基金會提供一筆鉅額捐款,美國亦都畀基金會投資高報酬股票市場同埋房地產,所以基金會今時今日嘅財政先至冇問題。
原圖嚟自網絡