自從二次世界大戰後,世界嘅格局就演變成兩個超級大國互相競爭,冷戰亦都自此展開。而喺上世紀七十年代,當時美國嘅航天科技遠超蘇聯,甚至仲實行載人登月計劃。而當時蘇聯為咗對抗呢件事,就將目標轉移到地面,實行「柯拉超深鑽孔」。

喺1970年,蘇聯就啟動名為「柯拉超深鑽孔」嘅計劃,通過挖掘科拉半島鄰近與挪威國界接壤嘅地區,達到最終打通地球嘅目的。之不過,由1970年到1989年呢19年間,呢個項目挖到12262米嘅時候就突然停止。其實由地表去到地核嘅直線距離係6300公里,要完全挖穿地表當時唔少人都覺得冇可能,而蘇聯亦都深知道自己未能盡快戴人登月,所以就諗到呢條超過美國嘅妙計。

當時蘇聯喺鑽頭方面嘅技術係相當先進,之不過呢個「柯拉超深鑽孔」最初嘅目的並唔係在於探索資源,而係在於鑽孔。咁樣就出現一個問題,如果美國唔關心、唔當係一回事,咁呢個計劃就只係單純浪費戰略資源同埋金錢。而事實喺鑽探過程中,就發生過唔少鑽柱被岩石卡住而需要停工嘅事故。

時間去到八十年代後期,蘇聯意識到呢一點,而且國內經濟亦都出現問題,最終就需要叫停項目,但呢個鑽井曾經係世上最深嘅人工洞穴,而呢個紀錄後來就被兩個油井打破咗。

原圖來自網絡