之前介紹咗張三丰，仲講過《明史》有記載呢位大師嘅事蹟。當時張三丰名氣之大，連明代皇帝都落柯打搵佢。

據《明史‧方伎志》所載，明太祖朱元璋就响洪武二十四年遣使覓之，但就搵唔人。之後明成祖朱棣都有派人去搵張三丰：「永樂中，成祖遣給事中胡濙偕內侍硃祥齎璽書香幣往訪，遍曆荒徼，積數年不遇。」雖然搵唔到人，但後嚟就下令「大營武當宮觀」使費仲以百萬計。不過，明成祖要搵張三丰，其實佢係另有目的，就係要搵建文帝下落。响《明史。胡瀠傳》中就有以下記載：「惠帝之崩於火，或言遁去，諸舊臣多從者，帝疑之。五年遣濙頒禦制諸書，並訪仙人張邋遢，遍行天下州郡鄉邑，隱察建文帝安在。」咁似乎成祖當時又真係好驚喎！