朝鮮戰爭中 中國發起「冷槍冷炮運動」？

尋日就同史友們介紹到我國嘅一位神級狙擊手、喺抗美援朝戰役當中斃敵214名嘅張桃芳。其實張桃芳之所以有咁大發揮空間，真係不得不提當時一個戰術，就係「冷槍冷炮運動」喇！

所謂嘅「冷槍冷炮運動」就係喺1952年-1953年朝鮮戰爭中由中國志願軍所發起，以高密度、低強度嘅小規模狙擊戰鬥，當時關於呢個運動仲有個口號，就係「冷槍冷炮打活靶」、「讓敵人低下頭來」。「冷槍冷炮運動」實際上係分成「冷槍」同埋「冷炮」，「冷槍」就係通過培養大量狙擊手遊動於聯合國軍陣地周圍，並且對聯合國軍進行獵殺，甚至仲為冷炮提供坐標；而「冷炮」嘅做法就係游擊炮運動，以炮火或者火箭筒進行伏擊，主要打擊500-3000米目標。

喺「冷槍」同埋「冷炮」配合之下，作戰效率成倍提高，甚至喺志願軍之間全面展開，達到平均每2發子彈斃傷一名士兵、每30發炮彈毀傷一輛坦克、25發炮彈擊毀一輛汽車嘅效果，共斃傷聯合國軍5.2萬人，真係認真誇張！