前晚捱夜睇世界杯亞洲區十二強分組賽,中國國家足球隊憑住武磊補時入波,絕殺越南隊,取得分組賽首場勝利。唔少內地網民就話,只要之後贏晒咁多場,就仲有機會直接晉身出年卡塔爾世界杯咁話喎。
真係咁得咁橋,20年前呢個時間,國足就成功殺入2002年世界杯決賽周。响2001年10月7日,國家隊响世界杯外圍賽十強賽中,响主場憑住于根偉一腳定江山,羸阿曼一比零,成功令中國國家隊首次殺入世界杯決賽周。
由於當屆世界杯係由南韓同日本聯合主辦,所以响亞洲區外圍賽就少日韓呢兩支傳統勁旅,加上同組對手唔算太強,所以全國人民對國足打入世界杯決賽周都寄予厚望。最終,國足不負眾望,响瀋陽五里河體育場完成歷史一刻。
講返依家,國足主師李鐵就係出戰2002年世界杯嘅國足主力成員,唔知佢又可唔可以教練身份帶領國足殺入決賽周呢?
原圖嚟自網絡