故宮博物館往往都係唔少博物館愛好者經常踏足嘅地方,而喺出年年中大家就唔使再周圍走都可以去到故宮,事關香港故宮文化博物館就會喺出年開幕,當中就有九個打頭陣嘅展覽主題喺近日公布!

典亞藝博2021日前就喺灣仔會展舉行,關於香港故宮文化博物館嘅展區就參照北京紫禁城設計,唔單止以特製物料呈現太和殿獨有嘅莊嚴皇權氣派,仲有3D模型展示香港故宮面貌。精彩嘅位當然唔止咁簡單,今次主辦方仲公布咗9個打頭陣的展覽主題將包括「紫禁萬象:建築、典藏與文化傳承」、「龍顏鳳姿:清代帝后肖像」等展覽主題,當中嘅「國之瑰寶:故宮藏晉唐宋元書畫」展覽內容更加係首次對外展出30件晉、唐、宋、元書畫珍寶,就好似有唐德宗時期宰相韓滉所畫嘅《五牛圖》、相傳係東晉名畫家顧愷之所畫《洛神賦圖》等等。

呢啲珍品平時都唔會展出,全部都係屬於北京故宮博物院一級品,每展出一次都需要「休眠」三年,所以呢啲機會真係相當難得!

原圖嚟自網絡