繼續同史友們介紹國內嘅一啲考古發現，眾所周知要喺考古發掘到中搵到木構建築等等嘅有機物絕對唔係容易嘅事，事關呢種物質好大機會都會隨年月而分解。之不過，近日喺湖南雞叫城遺址就舉行咗考古發掘專家現場會，當中考古人員就表示已經搵到一批屈家嶺文化時期木構建築，而且仲係規模最大、保存最好嘅大型木構建築完整木構基礎。

呢個位於湖南常德市澧縣涔南鎮雞叫城村嘅雞叫城遺址早喺1978年就被發現，係一個新石器時期遺址。喺2020年至2021年間，湖南省文物考古研究所就先後對呢個遺址展開三次合共721平方米嘅發掘工作。結果，考古團隊就喺呢度搵到一批大型建築遺址。據研究顯示，上述大型木構建築，中年代最晚，距今約4800年至4700年，為屈家嶺文化二期早段(或中期晚段)。

而整體建築佈局係由主體建築同埋外圍廊道組成，估計建築主可以向發掘區以東延伸，總面積不低於500平方米，真係認真誇張！唔單止咁，考古人員仲喺建築遺址附近搵到谷糠層同埋房址30餘座，充分表明呢個地方以往係長期被用作建築區，到底當中運用咗咩建築手法同埋規模呢？全部都有待考古人員進一步公布！

原圖嚟自網絡