喺1986年10月12日,無論係對中國定係英國嚟講,都係史無前例嘅一日,事關呢一日英女王伊利沙伯二世訪華。

英女王伊利沙伯二世係歷史上第一位英國國家元首訪華,喺呢次行程當中佢對中國進行為期一星期嘅國事訪問,當時佢同菲臘親王先係喺大會堂東門外欣賞閱兵歡迎儀式,其後就同鄧小平等國家領導人見面,先後到西安、雲南、上海和廣州訪問,行程真係相當豐富。

如果史友們睇返唔少舊相,應該都會留意到伊利沙伯二世同埋菲臘親王喺呢次行程當中去過唔少歷史名勝,就好似有喺北京參觀長城、故宮、欣賞京劇演出;又去咗西安參觀秦始皇博物館兵馬俑;甚至仲訪問埋雲南民族大學,同當地學生一齊交談,表現相當親民。

而其實,呢次行程唔單單係參觀各地景點,仲係標誌着中英兩國關係喺香港前途問題談判完結後,回復正常。

原圖嚟自網絡