近排網絡上都流傳唔少關於台灣嘅討論，而關於呢個「寶島」相信唔少港人都相當熟悉，但唔知史友們又知唔知道，到底點解台灣會被稱為「福爾摩沙」呢？阿史今次就同大家講一講啦！

「台灣」呢個名喺歷朝歷代都有唔同嘅叫法，就好似喺春秋戰國時期就叫做「島夷」、秦朝就稱之為「瀛州」、三國時期就被稱為「夷洲」，就算去到明朝民間都仲有好多唔同叫法，就好似有「北港」、「大員」、「台員」等等。而時間去到明萬曆年間，當葡萄牙人駕商船航行東海途經台灣果陣，就因為覺得呢個地方山嶽如畫，林木蔥鬱而大讚呢個地方「福爾摩沙Ilha Formosa」（即係美麗之島），甚至後來仲喺地圖上標示「福爾摩沙」呢個地名。

「福爾摩沙」呢個名日後就被沿用，甚至仲被作為台灣嘅代稱。不過，近年就有學者指當年外國人指嘅福爾摩沙唔係指台灣島，而係琉球，最早講嘅亦唔係葡萄牙人，而係西班牙人，真係估唔到仲有咁多唔同講法。

原圖嚟自網絡