喺形容人與人之間嘅鉤心鬥角、互相詐騙嘅時候,大家都會用到「爾虞我詐」呢一句,但史友們又知唔知呢句說話嘅由來呢?阿史今次就同大家介紹下啦!
所謂「爾虞我詐」原句就係「我無爾詐,爾無我虞」,至於點解會有呢句說話,就要由春秋時期講起。當時強盛嘅楚國就去攻打宋國,楚國國君楚莊王仲親自帶領大軍包圍宋國都城。當時負責守城蹏宋國大將華元就誓死不降,亦都因為佢嘅堅守,楚軍嘅存糧亦都所餘無幾。
眼見呢個情況,當時有位車伕向楚莊王獻計,指出士兵可以喺原地蓋房種地,長住包圍宋國。而當時華元見到呢個情況,就偷偷地潛入楚軍統帥營帳,散播謠言就話城內缺糧,唔少人都易子而食,但佢哋都堅抗投降。
聽到呢度,楚軍就只好同意退兵三十里,並且同宋國訂立盟約,盟約上就寫明「我無爾詐,爾無我虞」,表明大家都互相應守信用,不欺騙對方。得知呢個故事真相,後世就用「爾虞我詐」表達相反嘅意思。

原圖嚟自網絡