對於中國傳統史書記載嘅第一個朝代夏朝，歷年嚟都有唔少考古、歷史學者質疑到底呢個朝代存唔存在，之不過近日就有考古發現進一步確認咗呢個爭論。
近排中國社會科學考古研究所陝西省文物局首次披露太平遺址嘅重大考古發現！根據考古勘探、發掘判斷，呢個位於西咸新區灃東新城斗門街道太平村東側嘅考古遺址，截至目前完成考古勘探嘅40萬平方米，幾乎可以肯家呢個係客省莊二期文化聚落遺址。
喺目前嘅發掘入面，考古團體就搵到灰坑164座，其中91座為隋唐時期，73座屬客省莊二期文化，部分就係隋唐時期。而更加重要嘅係，目前出土咗唔少陶器、石器、骨角器、玉器、卜骨、葉形陶牌飾等文物，佢嘅嘅種類同埋年代特徵都表明太平遺址具備高等級中心聚落遺址嘅元素，而當中更有一件陶鈴被認為係同堯都山西襄汾陶寺遺址發現嘅極為相似。
所以，根據呢啲發現，考古團隊就認為太平遺址距今約4150年-3700年，正式進入夏代紀年範圍。到底夏朝係點樣，先民嘅生活又有咩特色？真係期待有更多嘅考古發現啊！
原圖嚟自網絡