著名考古學家王迅因病去世 享年72歲

著名考古學家、北京大學考古文博學院教授王迅日前就因病去世，享年72歲。可能就咁睇相片史友們只會留意到佢可愛嘅一面，而未必了解到呢位老人家有幾犀利，但其實佢正正就係新中國考古學科培養出嚟嘅第一位博士！

王迅長期從事夏商周考古及田野考古教學研究工作，喺北京大學就專門講授「中國古代史」「中國古代青銅器」等課程，亦都多次帶領學生開展田野考古實習。佢自己就親自主持過山東諸城前寨、安邱堌堆，湖北孝感聶家寨等重要遺址發掘，著有《東夷文化與淮夷文化研究》、《東夷·淮夷文化對日本古文化的影響》等重要作品，喺夏商周考古、田野考古、公眾考古領域為中國考古學作出過重大貢獻。

而喺學術之外，王迅同樣係一位深得人心嘅老師，佢為人幽默風趣，形象百變，曾經就因為一次喺酒館食完雞而將骨頭復原成一個「人形骷髏」，而且仲用田野考古中還原墓葬遺骸專業手法佈置。呢段視頻火爆全網，佢亦都因為咁而成為「網紅」。