最近港產足球教練陳婉婷「牛丸」應徵國家隊女足主帥一職，更得到現任中國足協副主席孫雯力撐，得到中國女球王支持，唔多唔少都增加牛丸奪帥嘅機會。

講到中國女子足球，孫雯就絕對係傳奇級數人物，响中國足球界地位甚高，仲被譽為中國女球王。呢位前女國足主力球員，响九十年代為國家隊征戰，响1995年世界杯、1996年亞特蘭大奧運以及1999年世界杯都取得唔錯成績，好似96年奧運同1999年世界杯都成功殺入決賽，但就屈居亞軍。不過，當年女足出色表現，因而獲得「鏗鏘玫瑰」美譽，隊長孫雯更成為傳奇嘅女足9號。响孫雯退役之後，先入行做記者，後嚟去咗上海市足協，响2019年當選中國足協副主席。

原圖嚟自網絡