煙草無論喺古代定還是現代都有一定數量嘅人使用吸食，但到底古代先民係點樣喺咁多植物當中發現到煙草植物呢？以下美國嘅最新研究可能畀到啲啟示大家。

近期美國就有考古學家喺猶他州大鹽湖沙漠（Great Salt Lake Desert）發現到野生野生煙草種子，並且將呢個發現研究寫成一份報告發表喺「自然人類行為」期刊（Nature Human Behaviour）。據了解，研究人員喺壁爐遺址（Hearth site）搵到4顆燒焦嘅野生煙草種子，經過研究發現品種應該係「漸狹葉煙草」（Nicotiana attenuata），推測可以追溯到1萬2300年前。而喺呢次發現之前，人類最古老使用煙草紀錄源自阿拉巴馬州（Alabama）發現嘅煙斗，而當時嘅歷史就只係可以追溯到3300年前。

咁點解古代先民又會吸食呢種植物呢？據考古人員推測，可能呢個地區嘅遊牧民族發現煙草植物纖維中嘅尼古丁有興奮作用，所以喺狩獵之前都會吸食咁話。

原圖嚟自網絡