提起清朝最經典嘅一個人物,相信唔少史友都會同阿史一樣諗起西元十八世紀世界首富和珅。咁到底呢位由貧困小子化身成大貪官嘅人物會有幾多身家呢?阿史今次就同大家介紹下啦!

和珅出身於滿州正紅旗之後,但由於年幼父母雙亡,佢同細佬只可以依靠變賣祖業勉強生存,甚至連上學堂嘅錢都係靠親友籌集。雖然生活艱難,但和珅並冇放棄,反而係熟習傳統四書五經典籍、積極修習各種語言由漢語、滿語、藏語、蒙語都識。後來西元1769年和珅參加科舉名落孫山,但仍然獲得朝廷提拔與晉用,短短幾年間官職不斷升級。甚至去到西元1780年,和珅長子豐紳殷德仲被乾隆賜婚為十公主額駙,一時之間佢就成為皇親國戚。

喺之後嘅日子,和珅就利用官方權勢勾結,用盡各種方法打擊政敵並且鞏固利益。全盛時期,佢主理全國七十餘間當鋪、三百餘間銀行票號,甚至同海外洋貨買辦都有生意往來。

喺嘉慶四年和珅被王永璘抄家,當時就搜出五千萬兩白銀,之後就掘地三尺二次抄家,再搵出接近十億兩,再加上珠寶首飾瓷器字畫,足足裝滿1100架馬車,仲未計埋其他田產同埋當鋪銀號。據後世估計,當時和珅其實係有七千五百億元,真係誇張!

原圖嚟自網絡