中國太空人的出艙任務

隨著神州十三號載人飛船順利升空，三名中國太空人亦成功進入天和核心艙，之後嘅重頭戲就係中國女太空人王亞平進行出艙任務，成為中國首位進行太空「行走」嘅女性。

講到中國太空人出艙活動，最大突破就係2008年神舟七號飛船中嘅太空人翟志剛，成功完成太空漫步的任務，中國也成為了世界第三個掌握空間出艙活動技術嘅國家。相隔十三年後，乘坐神舟十二號上太空嘅劉伯明同湯洪波响2021年成功出艙進入太空，為天宮太空站安裝設備。

其實，太空人出艙進行「太空漫步」呢類任務，响中國載人航天發展極為重要。根據載人航天工程擬定嘅航天「三步走」當中，第二步就包括突破航天員出艙活動技術、空間飛行器交會對接技術，發射空間實驗室。而呢三項任務，中國已經成功達標。