繼續同史友們介紹我國嘅珍貴文物，如果問大家心目中排行第一嘅文物，可能大家心中都有唔同答案，但以下阿史要介紹嘅呢件就係唔少歷史學家都公認係「中華第一古物」，佢就係陳倉石鼓喇！
陳倉石鼓係一批比較特別嘅文物，初次畀人發現嘅時候其實係西元627年嘅陝西上鳳翔府陳倉山，當時發現呢件文物嘅係一件牧羊人，佢意外見到呢十個刻有文字嘅花崗岩大石，望起嚟就好似一個鼓，再加上周邊有唔少奇怪文字，每個直徑約1米，重約一噸，得名石鼓。
一時之間就流言四起，甚至唔少民眾認為佢係天降神物。由於呢件文物被老百姓當做神物，所以周圍都有唔少人前來焚香拜祭，亦都有唔少文人墨客嘗試前來想解開當中嘅文字，但一直以嚟都冇人成功。石鼓有十個，但就因為多重戰爭同埋人為關係而有唔少破損，至於石鼓上嘅文字係點解？專家就認為係一種失傳嘅文字，先秦文字石鼓文，甚至仲相傳李斯創造小篆仲係參考咗呢種文字。石鼓唔單止對研究漢字演化嘅研究有重大作用，上面甚至仲可能記述秦始皇統一中國之前一段不為人知嘅歷史，真係期待盡快有人解得開！
原圖嚟自網絡