阿史之前介紹咗昔日被譽為世界第一大港泉州港，今次就想介紹一個叫沂州嘅地方。點解？因為响經典遊戲《大航海時代IV》當中，中國地區就有泉州、杭州、沂州同澳門呢四個港口。

今時今日嘅沂州，其實就係江蘇省嘅連雲港。呢個地方响明朝為兗州府嘅沂州治下一個港口，當地更設有沂州衛海防設施。响當時，由於呢個地方沂河一個出海口，所以就成為一個貨運集散之地。而响明代沂州嘅煤礦銅礦等礦產，就成為呢個地方嘅重要貿易貨品。

有趣嘅係，沂州古城係位於今日嘅山東臨沂，而連雲港就位於江蘇，咁係因為明代個陣兗州府嘅沂州管轄範圍包括魯南蘇北一帶，情況就同古徽州範圍包括約贛北一帶相似。

原圖嚟自網絡