四大名著相關嘅影視作品可能史友們都睇過唔少，如果史友們有研究開，可能都會發現唔少影視作品嘅女角無論喺氣質同埋穿著上都同原著有唔少出入，到底點樣可以將原著當中描繪嘅角色喺現實當中還原到呢？近排就有一個00後少女作出呢類嘗試，並且好快就喺網絡上爆紅！
到底是曹雪芹筆下薛寶釵「唇不點而紅，眉不畫而翠，臉若銀盆，眼如水杏」係點樣？吳承恩筆下《西遊記》中令唐僧取西經路上唯一心動嘅女兒國國王「眉如翠羽，肌似羊脂。臉襯桃花瓣，鬟堆金鳳絲。秋波湛湛妖嬈態，春筍纖纖妖媚姿。斜紅綃飄彩艷，高簪珠翠顯光輝」又係點樣？
可能呢幾張相就畀到答案史友，甚至仲有唔少網民睇完之後就留言表示呢位姑娘氣質就同古人一樣。而唔講唔知，其實呢位叫做吳晨嘅00後已經學習多年戲曲，所以佢一顰一笑、舉手投足間都係充滿古人嘅韻味，所以佢就有「還原四大名著中美女」呢個諗法，真係期待佢有更多嘗試啊！
原圖嚟自網絡