首位華人諾貝爾物理學獎得主 楊振寧

近排諾貝爾獎就公布咗唔同領域嘅得獎人士，呢批傑出人士都為世界嘅發展同埋人類嘅幸福作出咗重大嘅貢獻。而我國其實以往都有唔少出色嘅科學家得過呢個獎，今次阿史就想同大家介紹一下首位華人諾貝爾物理學獎得主，楊振寧嘅故事。

楊振寧出生喺1922年嘅10月1日，佢爸爸係擁有芝加哥大學數學博士學位、清華大學與西南聯合大學數學系主任、中國第一位數論方向博士楊武之。可能係因為家庭教育嘅關係，楊振寧早喺5歲喺時候就已經認到3,000幾隻字，對唔少事物都相當感到興趣。喺抗戰期間，佢就喺西南聯合大學就讀本科、碩士，後來更加赴美讀博士。

時間去到1954年，佢同米爾斯創立咗「楊－米爾斯規範場論」，研究凝聚原子核力嘅精深理論，開闢出以呢種規範原理統一各種相互作用嘅新途徑；而去到1956年，佢又同李政道提出宇稱不守恆理論，亦都係因為呢個理論令到佢獲得1957年諾貝爾物理學獎，唔單止係最新，更加係目前為止第一個拎到呢個獎項嘅中國人。而喺得獎之後，佢就繼續喺理論物理學領域上提出更多數學工具同埋理論。