2002年10月18日，呢個日子對唔少香港人、甚至係對唔少華人嚟講都係一個傷感嘅日子，事關曾經為我哋帶嚟唔少歌影視集體回憶嘅傳奇人物羅文，就係喺呢一日離開咗我哋。
羅文，原名叫做譚百先，喺廣州長大嘅佢自幼就對粵劇產生濃厚興趣，仲曾經向粵劇老倌名伶羅家寶父親羅家樹拜師，學習粵劇曲藝功架。喺佢13歲果年，佢就嚟到香港生活，第一份工作就係到親戚嘅裁縫店幫忙、亦都去過做荔園遊樂場職員、戲院帶位、銀行見習生等工作。
而喺1964年，羅文就喺邵氏電影製作公司舉辦山歌戀歌唱大賽獲得季軍、姜且乘住披頭四樂隊熱潮後來組成「羅文四步合唱團」，演唱香港當時流行英文歌，累積到一定嘅名聲。而後來佢嘅樂隊解散，佢就先後同沈殿霞合作，唱過國語歌，但後來就憑住翻唱外購日劇《前程錦繡》主題歌一炮而紅，唔少粵語電視劇主題曲都由佢主唱就好似《書劍恩仇錄》、《帝女花》、《家變》、《強人》、《小李飛刀》等等，仲出演過唔少經典影視作品，成為幾代人嘅回憶。
去到2002年10月18日，羅文因肝癌於香港瑪麗醫院逝世，享年57歲。
原圖嚟自網絡