對於龐貝古城嘅認識,唔少史學家甚至普通市民都係建基於早年嘅考古發現,但近日呢座古城遺址事隔二十幾年之後終於都有新嘅文物出土,轟動考古界!

近日考古學家就喺意大利龐貝古城東北側赫庫蘭尼姆(Herculaneum)遺址搵到一具喺公元79年因為維蘇威火山爆發巨災中殉難嘅男性骸骨。據了解呢具骸骨年約40到45歲,被發現果陣係呈俯臥狀,頭部就朝向海洋,附近仲有唔少已經碳化嘅木材。據專家推斷,呢個男死者應該係不幸被飛濺嘅屋樑擊中斃命。

咁到底呢個男子係咩身份呢?原來佢身上係配有鑲金銀片皮帶、長劍同埋背包等物品,所以極有可能係一個趕嚟救援嘅羅馬艦隊官兵。喺歷史上赫庫蘭尼姆係比龐貝更加繁華,以往考古學家亦都只係喺度搵到300多具逃難者遺骸,到底呢次仲會唔會有其他發現呢?真係好令人期待啊!

原圖嚟自網絡