中國考古學界又有重大發現喇，而呢一次嘅考古發現有別於過往喺挖掘地表期間意外搵到古文物，反而係以呢種意想不到嘅方式「打開」！

今次嘅考古發現係發生喺四川省隆昌市一個道路施工工程當中，有工地嘅工人進行切割石方作業果陣意外喺石塊底部搵到疑似古生物嘅化石，經過確認之後竟然發現係一具保存完整嘅中小型蜥腳類恐龍。根據專家進一步確認，呢具化石身處嘅年份係距今約1.6億年，推算身體約10米，而且部分頸椎、尾椎、部分後肢骨骼已隨石材取出，只係得返部分骨骼以及尾椎硬膜保留喺施工現場。

據專家表示，雖然呢具侏儸紀恐龍化石體形唔大，但就因為脊椎氣腔構造非常發育，頸椎短，尾椎短而粗，同以往四川盆地侏儸紀晚期常見嘅馬門溪龍類有較大差別，所以極有可能會係新蜥腳類新成員，有好高嘅科研價值咁話！

原圖嚟自網絡