關於抗戰時期漢奸嘅故事阿史以往都同大家講唔少，但接下嚟阿史要介紹嘅呢位「漢奸」就比較另類，佢曾經憑住八個字反殺二萬日軍。

阿史所講嘅呢位「漢奸」號稱係最強「漢奸」，佢嘅名叫做夏文遠。佢出生喺1905年嘅大連，喺高等學堂學習同成長，有住優異嘅成績。後來佢仲去到日本留學，精通一口流利嘅日文。之不過亦都係因為咁，佢返到中國之後就被侵略嘅日軍睇中咗，前往日軍司令部擔任翻譯工作。得知呢個消息之後，唔少國人都一致認為佢已經係一個「漢奸」。

夏文遠所有嘅行徑同一個漢奸真係冇乜分別，所有生活都同日本人融合埋一齊，甚至仲娶埋個日本老婆，呢啲舉動令人日本人完全相信佢。咁點解劇情又會忽略反轉呢？原來，夏文遠嘅工作幾乎可以接觸到所有機密文件，特別係其他日軍在華間諜傳畀司令部嘅文件。而夏文遠喺成為「漢奸」之前就曾經見過李宗仁，表明自己「假漢奸、真間諜」嘅諗法。

喺1938年嘅時候，台兒莊戰役爆發，夏文遠就向李宗仁發出咗一條重要消息，就係「日軍南動而北不動」。憑住呢條重要嘅軍事情報，李宗仁成功進行軍事部署並且獲得大勝，一舉消滅二萬日軍。

經過呢次戰役之後，日軍唔單止冇發現夏文遠「假漢奸」身份，甚至仲繼續將佢當成自己人。但咁樣就令佢進退兩難，最後為咗避免妻子遭到辱罵甚至殺害，夏文遠就只好背住「漢奸」嘅名返到日本，直到73歲病逝於東京。而相關嘅歷史，都係等到李宗仁回憶錄曝光之後先至有人知！

原圖嚟自網絡