新疆3,500年前乾屍「小河公主」身分揭曉

世界各地口嘅考古發現就同史友們介紹過唔少，而近排就有睇到一單考古研究阿史都想同大家分享下，就係關於新疆3,500年前乾屍「小河公主」嘅身分！

早喺2004年，喺中國新彊嘅塔里木就發現到一具距今有成3,500年前嘅乾屍「小河公主」，之不過關於呢具乾屍從何而來，真實身份又係咩人？一直以嚟都係一個考古謎題。之不過近日喺國際學術期刊《自然》（Nature）網站就刊登咗一份由中德美韓四國團隊完成嘅研究，當中就揭曉「小河公主」嘅身分。

關於呢具乾屍嘅起源，其實係同1934年5月瑞典考古學家貝格曼進行嘅「一千口棺材」墓地有關，而喺呢位考古學家離開咗六十幾年之後，呢個小河墓地就再次喺羅布泊荒漠當中消失，直到2002年底新疆文物考古研究所重新展開小河墓地調查工作，先至再搵到當中嘅167座。每個墓葬都係用牛皮包裹，懸掛著牛頭，而裡面正正就係屍身所在。當時考古學家搵到「小河公主」果陣，墓主去世時仲帶住微笑。隨後，呢具乾屍就去到全國展出，唔少學者都認為佢係嚟自歐洲嘅女仔。